ടിറ്റെയുടെ ആക്രമണ തന്ത്രങ്ങൾ എന്തൊക്കെയായിരിക്കും? 

By- Danishfenomeno
(www.danishfenomeno.blogspot.com)


കഴിഞ്ഞ ദിവസത്തെ ടീം പ്രഖ്യാപനത്തിൽ ലുവാൻ വില്ല്യൻ ജോസ് തുടങ്ങിയ ഫോമിലുള്ള യുവ മുൻനിരക്കാരെ തഴഞ്ഞ് ഡീഗോ സൂസയെ എടുത്ത ടിറ്റെയുടെ നിലപാട് ഒരു പക്ഷേ പലർക്കും പിടികിട്ടിയിട്ടില്ല.
ഗബ്രിയേൽ ജീസസിന്റെ അഭാവത്തിൽ ആരായിരിക്കുമെന്നത് സംശയം ഉളവാക്കിയ സംഗതിയേ ആയിരുന്നില്ല.ജീസസിന്റെ ബാക്ക് അപ്പായ ഫിർമീന്യോ തന്നെയായിരിക്കുമതെന്ന് ഉറപ്പായിരുന്നു.പക്ഷേ പകരക്കാരൻ ഫോർവേഡായി സൂസയെ തെരഞ്ഞെടുത്തത് കൗതുകരമായി.
സൂസയെ വരുന്ന ലോകകപ്പ് ലക്ഷ്യം വെച്ചാണോ അതോ റൊട്ടേഷൻ അടിസ്ഥാനത്തിൽ പരീക്ഷാണർത്ഥം എടുത്തതാണോ?

മധ്യനിരക്കാരനായി തുടങ്ങി ഫോർവേഡായി കളം മാറ്റി ചവിട്ടിയ സൂസയെപ്പോലൊരു ശരാശരിക്കാരനെ ലോകകപ്പ് ലക്ഷ്യം കണ്ടാണ് എടുത്തതെങ്കിൽ യുവതാരങ്ങളുടെ അവസരങ്ങൾ ഇനിയും നഷ്ടപ്പെടുമെന്ന് കരുതാം.പക്ഷേ അങ്ങനെ സംഭവിക്കില്ലെന്ന് പ്രതീക്ഷിക്കുന്നു.കാരണം ജീസസും  ഫിർമീന്യോയും ഉണ്ടാകുമ്പോൾ 23 അംഗ സ്ക്വാഡിലെ രണ്ടംഗ സെന്റർ ഫോർവേഡ് പൊസിഷനിലേക്ക് മറ്റൊരാളെ തേടേണ്ടി വരില്ല.സൂസയെ എടുത്തത് വെറുമൊരു പരീക്ഷണമാണെന്ന് കരുതുന്നു.മാത്രവുമല്ല ലുവാൻ ജോസ് ബാർബോസ തുടങ്ങിയ യുവ താരങ്ങൾക്ക് മികച്ച പ്രകടനം നടത്തി ടീമിലിടം നേടാൻ ഇനിയും ഒന്നര സീസണോളം ബാക്കിയുമുണ്ട്.
വരുന്ന രണ്ട് മാച്ചിൽ സെന്റർ ഫോർവേഡ് പൊസിഷനിൽ ടീമിലെ സാധ്യതകൾ

 1. ജീസസിന്റെ അഭാവത്തിൽ ഫിർമീന്യോക്ക് തന്നെ സെന്റർ സ്ട്രൈകർ റോൾ നൽകുക.ഫിർമീന്യോ അടിസ്ഥാനപരമായി സെക്കന്ററി ഫോർവേഡാണെങ്കിലും നിലവിൽ ടിറ്റെക്ക് മുന്നിലുള്ള ബെസ്റ്റ് സാധ്യതയാണിത്.അവസരങ്ങൾ മുതലാക്കുന്നതിൽ ജീസസിനോളം കഴിവില്ലെങ്കിലും , ജീസസിനെക്കാളും കൂടുതൽ അഡ്വാൻസ്ഡ് റോളിൽ കളിക്കുന്ന ഏതു പൊസിഷനിലും കളിക്കാൻ കഴിവുള്ള താരമാണ് ഫിർമീന്യോ.ലിവർപൂളിൽ കൗട്ടീന്യോയുമൊത്ത് മികച്ച നീക്കങ്ങൾ സൃഷ്ടിചെടുക്കുന്ന ഫിർമീന്യോ നെയ്മറുമായും വളരെ എളുപ്പത്തിൽ ഒത്തിണങ്ങുമെന്നിരിക്കെ ഇത്തരത്തിലുള്ള ഒരു കോമ്പിനേഷൻ തന്നെയാകും ടിറ്റെ മുന്നിൽ കണ്ടിട്ടുണ്ടാവുക.സെന്റ് പെർസെന്റേജ് സാധ്യതയും ഇങ്ങെനെയൊരു ത്രയത്തിന് തന്നെയാണ്.നെയ്മർ-കൗട്ടീന്യോ-ഫിർമീന്യോ

2.നെയ്മറെ ഇടതു വിംഗിലെ ഫ്രീ റോളിൽ നിന്നും മാറ്റി സെന്റർ ഫോർവേഡ് പൊസിഷനിലോ ഫാൾസ് 9 ലോ കളിപ്പിക്കുക. ഇപ്പോഴത്തെ ടീമിന്റെ വിശ്വരൂപം ഇങ്ങനെയൊരു ട്രാൻസ്ഫർമേഷൻ നടത്തിയാൽ കാണാൻ കഴിഞ്ഞേക്കും.കാരണം നെയ്മർ- കൗട്ടീന്യോ -വില്ല്യൻ/കോസ്റ്റ മൂന്ന് പേർക്കും ഒരുമിച്ച് ഇറങ്ങാം. കൗട്ടീന്യോക്ക് തന്റെ ഇഷ്ട പൊസിഷനായ ലെഫ്റ്റ് വിംഗിലൂടെ സ്വത സിദ്ധമായി കളിക്കാൻ ഇതുവഴി സാധിക്കും.വലതു വിംഗിൽ വില്ല്യനെയോ കോസ്റ്റക്കോ കളിക്കാനുള്ള അവസരം കൂടി കിട്ടും. പക്ഷ നെയ്മറെ cfw/false9 റോളിൽ കളിപ്പിച്ചാൽ മധ്യനിരയിൽ നിന്നും മുന്നേറ്റത്തിലേക്ക് ബോൾ ഒഴുക്ക് കുറയാനുള്ള ചാൻസുണ്ട്.മികച്ച പ്രെസ്സിംഗോടെ സ്വന്തം ഹാഫിലേക്ക് വലിഞ്ഞ് കളിക്കുന്ന , തരം കിട്ടിയാൽ ഒന്നടങ്കം ആക്രമിക്കുകയും ചെയ്യുന്ന ഉറുഗ്വെക്കെതിരെ മധ്യനിരയിൽ പൗളീന്യോ റെനാറ്റോ യ്ക്കും പിടിപ്പത് പണിയുള്ളതിനാൽ നെയ്മറെ ഫാൾസ്9 പൊസിഷനിൽ  ഒതുക്കി നിർത്തിയാൽ അപകടം വരുത്തിയേക്കാനും ചാൻസുണ്ട്. നെയ്മറിന് ഫ്രീഡം ലഭിക്കുക ഇടതുവിംഗിൽ നിന്നും മധ്യത്തിലേക്ക് കട്ടു ചെയ്യുകയും തുടർന്നു മുന്നേറ്റത്തിലേക്ക് കടന്നാക്രമിക്കുകയും ചെയ്യുന്ന തനതു നെയ്മർ സ്റ്റൈലിനു തന്നെയാകും.

3.സൂസയെ ടാർഗറ്റ് മാൻ റോളിൽ കളിപ്പിക്കുക.ഇങ്ങനെയൊരു ട്രാൻസ്ഫർമേഷന് സാധ്യത വളരെ കുറവാണ്.ദുംഗയുടെ ആദ്യ സ്പെല്ലിൽ അരങ്ങേറ്റം കുറിച്ചു മടങ്ങി പോയ  ഡീഗോ സൂസ തന്റെ കരിയറിലെ ഏറ്റവും മികച്ച ഫോമിലാണ് റെസിഫെയിൽ കളിക്കുന്നത്.ഡീഗോ സൂസയെ ടീമിലെടുത്തതിന് കാരണമായി ടിറ്റെ ചൂണ്ടിക്കാട്ടിയത് കഴിഞ്ഞ ബ്രസീലിയൻ ലീഗിൽ 14 ഗോളുകളും ആറ് അസിസ്റ്റുകളും നേടിയതായിരുന്നു. എന്നാൽ സൂസയേക്കാൾ മികച്ച ട്രാക്ക് റെക്കോർഡ് ഉള്ള സ്ട്രൈകർമാർ ബ്രസീലിയൻ ലീഗിലും യൂറോപ്യൻ ലീഗിലും ഉണ്ടെന്നിരിക്കെ എന്തു കൊണ്ട് സൂസയെ ടിറ്റെ എടുത്തു?
മികച്ച പ്രെസ്സിംഗോടെ പരുക്കൻ അടവുകളിലൂടെ കളിക്കുന്ന ഡീഗോ ഗോഡിനും ജിമെനെസും അടങ്ങുന്ന ശാരീരിക മികവുള്ള ഉറുഗ്വെയൻ പ്രതിരോധനിരക്കെതിരെ താരതമ്യേനെ പേസ് കുറഞ്ഞ അവരെ നേരിടാൻ തക്ക കരുത്തുറ്റ തടിമിടുക്കും ശാരീരിക ക്ഷമതയുള്ള സൂസയെ ടാർഗറ്റ് മാൻ റോളിൽ  ഉപയോഗിക്കുക എന്നതാണോ ടിറ്റെ മുന്നിൽ കണ്ടിട്ടുണ്ടാവുക.? അതോ ബ്രസീൽ യോഗ്യത ഉറപ്പിച്ച സ്ഥിതിക്ക് ബാക്കി ആറ് മൽസരങ്ങളിൽ സ്ട്രൈകർ റോളുകളിൽ  പുതിയ വൈവിധ്യങ്ങളെ പരീക്ഷിക്കാനുള്ള റൊട്ടേഷൻ സിസ്റ്റത്തിന് തുടക്കം കുറിച്ചതായിരിക്കുമോ ടിറ്റെ.?
എന്തായാലും ദുംഗയും സ്കോളരിയും ചെയ്തു കൂട്ടിയ മണ്ടത്തരങ്ങളും വിഡ്ഢിത്തങ്ങളും അബദ്ധങ്ങളും പരിശീലക കലയുടെ കാൽപ്പനിക യോഗിയായ മുൻ കൊറിന്ത്യൻസ് കോച്ച് ചെയ്യുകയില്ലെന്ന പൂർണ ബോധ്യവും വിശ്വാസവും ഞങ്ങൾ ഫാൻസിന് ടിറ്റയെന്ന ബുദ്ധിരാക്ഷസിനലുണ്ട്.
അദ്ദേഹത്തിന്റെ മനസ്സിലുള്ള ഉദ്ദേശ്യ ലക്ഷ്യങ്ങളും പദ്ധതികളും വായിച്ചെടുക്കാൻ ബുദ്ധിമുട്ട് തന്നെയാണ്.

എന്നാൽ ടീമിലേക്കുള്ള തന്റെ തീരുമാനങ്ങളിലൂടെയുള്ള എല്ലാ സെലക്ഷനുകളും ഓരോ വ്യക്തിയെയും മികച്ചതാക്കി വാർത്തെടുത്തൂവെന്ന ചരിത്രവും നമ്മുടെ കോച്ചിനുണ്ട്.
അതിന് ഏറ്റവും വലിയ ഉദാഹരണങ്ങളാണല്ലോ ജീസസും പൗളീന്യോയും ആഗുസ്റ്റോയും കൗട്ടീന്യോയുമെല്ലാം.

പ്രത്യേകിച്ചും പൗളീന്യോയെയും ആഗുസ്റ്റോയെയും ടിറ്റെ ടീമിൽ പരിചരിച്ച രീതി തന്നെ ശ്രദ്ധിക്കുക.ഏറെ വിമർശനം ഏറ്റുവാങ്ങിയത് പൗളീന്യോയെ ടീമിലെടുത്തപ്പോഴാണ് എന്നാൽ അതെല്ലാം ടിറ്റെ തള്ളികളഞ്ഞു തന്ത്രപരമായി പൗളീന്യോയെ മോട്ടിവേറ്റ് ചെയ്തു ,
ആദ്യ മൽസരങ്ങളിലെ ഇടർച്ചക്ക് ശേഷം പിന്നീട് തരക്കേടില്ലാത്ത പ്രകടനത്തോടെ പഴയ 2012-13 കാലത്തെ യഥാർത്ഥ പൗളീന്യോയെ തിരികെ തരികെയായിരുന്നു ടിറ്റെ.

അത്കൊണ്ട് തന്നെ തന്റെ സെലക്ഷനുകളെ എങ്ങനെ ? എപ്പോൾ ? എവിടെ ?  പ്രയോഗിക്കുമെന്നുള്ള വ്യക്തമായ ധാരണ ടിറ്റെക്കുണ്ട്.അതെല്ലാം വിജയകരമായി തീരുമെന്നുള്ള വിശ്വാസം നമ്മൾ ഫാൻസിനുമുണ്ട്.കാത്തിരുന്ന് കാണാം
By-#Danish_Fenomeno